رکشہ ڈرائیور کو نصیبو لعل کا گانا اونچی آواز میں چلانا مہنگا پڑ گیا، مقدمہ درج

10-16-2025

(ویب ڈیسک) پنجاب کے شہر اوکاڑہ میں پولیس نے گلوکارہ نصیبو لعل کا گانا بلند آواز میں چلانے پر ایک رکشہ ڈرائیور کے خلاف مقدمہ درج کر لیا۔

پولیس کے مطابق ڈرائیور  نے ساؤنڈ سسٹمز (ریگولیشن) ایکٹ 2015 کی خلاف ورزی کی کیونکہ اس  نے عوامی مقام پر اپنے رکشے میں اونچی آواز میں گانا چلایا۔ پولیس  نے کارروائی کے دوران رکشے میں نصب ساؤنڈ سسٹم کو ثبوت کے طور پر قبضے میں  لے لیا ہے۔ واقعے کے بعد سوشل میڈیا پر صارفین کی جانب سے مختلف ردعمل سامنے آئے، کچھ لوگوں  نے پولیس کے اقدام کو درست قرار دیا، جب کہ کئی صارفین یہ جاننے میں دلچسپی ظاہر کرتے رہے کہ اس جرم کی سزا کیا ہو سکتی ہے۔