آئی سی سی پلیئرز رینکنگ جاری، ٹاپ ٹین بولرز میں کوئی بھی پاکستانی جگہ نہ بنا سکا

10-15-2025

(ویب ڈیسک) آئی سی سی نے پلیئرز کی نئی رینکنگ جاری کردی،ون ڈے بولرز میں افغانستان کے راشد خان پہلے نمبر پر آگئے۔

آئی سی سی کی جانب سےجاری کی گئی تازہ رینکنگ کےمطابق ون ڈے بولرز جنوبی افریقا کے کیشومہاراج دوسرے نمبر پر چلے گئے،ٹاپ ٹین بولرز میں کوئی پاکستانی شامل نہیں ہیں،فاسٹ بولرشاہین شاہ آفریدی کی15ویں پوزیشن ہے،حارث رؤف کا ایک درجہ تنزلی کے بعد 29 ویں نمبر پر چلے گئے۔ ون ڈے بیٹرزمیں بھارت کے شبمن گل پہلےنمبر پر موجود ہیں،افغانستان کے ابراہیم زدران 8 درجے ترقی کے بعد دوسرے نمبرپرآگئے،بابراعظم کی ایک درجہ تنزلی کے بعد چوتھی پوزیشن پر آگئے،محمد رضوان25ویں، فخرزمان27ویں نمبرپرموجود ہیں۔ ون ڈے آل راؤنڈرزمیں افغانستان کے عظمت اللہ عمرزئی پہلے نمبرپرآگئے،زمبابوے کے سکندر رضا دوسرے نمبرپر چلے گئے،اس علاوہ ٹیسٹ بیٹرزمیں جو روٹ کا پہلا، ہیری بروک کا دوسرا نمبر ہے،پاکستان کے سعود شکیل12ویں اور محمد رضوان20ویں نمبرپرموجود ہیں،ٹیسٹ بولرزمیں جسپریت بمرا کا پہلا، پاکستان کے نعمان علی کا چھٹانمبر ہے۔