لیجنڈری اداکار مصطفیٰ قریشی کی ٹانگ ٹوٹ گئی

10-14-2025

(لاہور نیوز) فلم انڈسٹری کے بین الاقوامی شہرت یافتہ ولن مصطفیٰ قریشی کی ٹانگ کی ہڈی ٹوٹ گئی۔

700 سے زیادہ فلموں میں اداکاری کے جوہر دکھانے والے پاکستان فلم انڈسٹری کے بین الاقوامی شہرت یافتہ ولن مصطفیٰ قریشی کی ٹانگ کی ہڈی ٹوٹ گئی، جس کے بعد وہ 6 ہفتے تک گھر سے نہیں نکل سکتے۔ لیجنڈری اداکار مصطفیٰ قریشی نے بتایا ہے کہ فجر کی نماز کے بعد گھر کے باہر واک کر رہا تھے، سڑک کھدی ہوئی تھی، جس کی وجہ سے ٹوٹی ہوئی سڑک میں پاؤں پھنس گیا اور وہ بری طرح گر گئے، میرا سر سڑک سے ٹکرایا اور ٹانگ کی ہڈی ٹوٹ گئی لیکن آنکھ بچ گئی، اللّٰہ تعالیٰ ہمارے حکمرانوں کو عقل دے کہ وہ شہر کی سڑکیں بنا دیں۔ انہوں نے مزید کہا کہ مجھے آج رضا ربانی کی کتاب کی تقریب میں بھی جانا تھا مگر نہیں جا سکا۔