سونا مزید مہنگا، فی تولہ قیمت میں 6 ہزار روپے کا اضافہ

10-14-2025

(ویب ڈیسک) سونے کی قیمتوں میں تیزی کا سلسلہ جاری ہے، آج فی تولہ سونا مزید 6 ہزار روپے مہنگا ہو گیا۔

خالص 24 قیراط فی تولہ سونا اب 4 لاکھ 45 ہزار روپے میں دستیاب ہے، 22 قیراط سونے کی قیمت 4 لاکھ 7 ہزار 916 روپے فی تولہ جبکہ 21 قیراط سونا 3 لاکھ 89 ہزار 375 روپے فی تولہ میں فروخت ہو رہا ہے۔ دوسری جانب چاندی کی قیمت بھی مستحکم ہے، 10 گرام چاندی 6 ہزار 300 روپے میں فروخت کی جا رہی ہے۔ بین الاقوامی مارکیٹ میں بھی سونے کی قیمت میں اضافہ دیکھا گیا، جہاں فی اونس سونا 33 ڈالر اضافے کے بعد 4 ہزار 109 ڈالر پر پہنچ گیا۔