پنجاب حکومت کا بڑا اقدم، پاکستان کا پہلا ایکو بوٹ متعارف کروا دیا

10-10-2025

(لاہور نیوز) پنجاب حکومت نے ماحولیاتی تحفظ کی جانب ایک اہم قدم اٹھاتے ہوئے پاکستان کا پہلا ایکوبوٹ متعارف کروا دیا ہے۔

محکمہ تحفظ ماحولیات پنجاب نے جدید ایکو بوٹ لانچ کر دیا ہے، اب پنجاب کے شہری خود اپنے ماحول کے محافظ بنیں گے، ایکو بوٹ شہریوں و محکمہ ماحولیات کے درمیان براہ راست رابطےکا نیا ذریعہ قائم کیا جا رہا ہے، سیکرٹری ماحولیات سلوت سعید کی نگرانی میں تیارمنصوبہ مکمل طور پر فعال کیا جائے گا۔       ترجمان ماحولیات نے کہا کہ شہری صرف ایک میسج پرشہرکی ایئرکوالٹی جان سکیں گے، لاہور، فیصل آباد اور ملتان سمیت بڑےشہروں کا اے کیو آئی ریئل ٹائم میں دستیاب ہے۔ ترجمان ساجد بشیر کا کہنا تھا کہ مصنوعی ذہانت سے لیس ایکو بوٹ شہریوں سے بات بھی کریگا، میرےشہرکی ہواکیسی ہے؟ شہری اب ایکوبوٹ سےپوچھ سکیں گے جس کا جواب بھی ملےگا، ایکوبوٹ ماحولیاتی آگاہی اور صحت مند طرز زندگی کی رہنمائی فراہم کریگا، پنجاب حکومت کانیاہدف ٹیکنالوجی کےذریعےصاف، سرسبز اور صحت مند پنجاب ہے۔