نرسری تا 12ویں جماعت کےنصاب میں غلطیاں، ریویو کمیٹیوں کو فنڈز دینے کا فیصلہ

10-10-2025

(ویب ڈیسک) نرسری تا 12ویں جماعت کی مختلف کتابوں کےنصاب میں غلطیاں، کتابوں کے ری ویو کے لئےبنائی گئی کمیٹیوں کو 5،5 لاکھ روپے ادائیگی کا امکان ہے۔

ری ویو کیلئے اردو، انگریزی ،حساب ، فزکس ،کیمسٹری ،بیالوجی اور کمپیوٹرکمیٹیاں بنائی گئیں، پیکٹا کے پانچویں بورڈآف گورنرز کےاجلاس میں ری ویو کمیٹیوں کیلئے فنڈز دینے کا فیصلہ کیا گیا۔ تمام ری ویو کمیٹیوں کو الگ سے معاوضوں کی ادائیگی کی جائے گی، اسوقت ری ویوکمیٹیوں کومعاوضوں کی ادائیگی بارے کوئی قانون موجود نہیں۔ قواعد وضوابط کی منظوری کے بعد کتابوں کا ری ویو کرنیوالی کمیٹیوں کیلئے فنڈز جاری ہونگے، فی ری ویو کمیٹی کو 5 لاکھ روپے دیے جانے کا امکان ہے۔