نجی میڈیکل کالجز من مانے فیس سٹرکچر ختم کریں: پی ایم ڈی سی کا حکم

10-10-2025

(لاہور نیوز) پاکستان میڈیکل اینڈ ڈینٹل کونسل نے حکومت کی مقررہ فیسوں پر عمل درآمد نہ کرنے والے نجی میڈیکل کالجز کے خلاف قانونی کارروائی کا اعلان کر دیا۔

پی ایم ڈی سی  نے حکم دیا ہے کہ تمام نجی میڈیکل کالجز اپنی ویب سائٹس پر جاری کئے گئے من مانے فیس سٹرکچر ختم کرکے ایم بی بی ایس اور بی ڈی ایس کیلئے وفاقی حکومت کا منظور کردہ فیس سٹرکچر جاری کریں ورنہ اکریڈیشن معطل کر دی جائے گی۔ کونسل کا کہنا ہے کہ حکومت کی مقررہ فیسوں پر عمل درآمد نہ کرنے والے نجی میڈیکل کالجز کے خلاف قانونی کارروائی کا اعلان بھی کیا گیا ہے۔