لاہور میں سموگ کی شدت، فضائی آلودگی میں خطرناک اضافہ

10-10-2025

(لاہور نیوز) لاہور میں فضائی آلودگی کی سطح تشویشناک حد تک پہنچ چکی ہے۔

تفصیلات کے مطابق لاہور کی درجہ بندی آلودگی کے اعتبار سے دوسرے نمبر پر ہے، شہر میں سموگ کی اوسط شرح 183 تک جا پہنچی ہے جس سے سانس کی بیماریوں میں اضافے کا خدشہ ہے۔ شہریوں کو فضائی آلودگی سے بچاؤ کیلئے ماسک پہننے اور غیر ضروری باہر جانے سے گریز کرنے کی ہدایت کی جا رہی ہے، موسم میں متوقع تبدیلیوں کے پیش نظر شہری احتیاطی تدابیر اختیار کریں تاکہ صحت کے مسائل سے بچا جا سکے۔ دوسری جانب لاہور میں آج کم سے کم درجہ حرارت 19 ڈگری سینٹی گریڈ جبکہ زیادہ سے زیادہ درجہ حرارت 29 ڈگری سینٹی گریڈ تک جانے کا امکان ہے، شہر کا موجودہ درجہ حرارت 22 ڈگری سینٹی گریڈ ریکارڈ کیا گیا۔ موسمیاتی تجزیے کے مطابق شہر میں ہوا کی رفتار 3 کلومیٹر فی گھنٹہ ریکارڈ کی گئی ہے، جبکہ ہوا میں نمی کا تناسب 77 فیصد تک جا پہنچا ہے، اس سے صاف ظاہر ہوتا ہے کہ موسم آج کچھ مرطوب رہے گا۔