پنجاب بھر کے 38 ہزار سکولز فنڈز سے محروم، تعلیمی سرگرمیاں متاثر

10-07-2025

(لاہور نیوز) پنجاب بھر کے 38 ہزار سکولز کو فنڈز کی کمی کا سامنا ہے جس کے باعث تعلیمی سرگرمیاں متاثر ہو رہی ہیں۔

ذرائع کے مطابق نیامالی سال شروع ہوئے 3ماہ گزر گئے مگر سکولوں کو نان سیلری بجٹ جاری نہ ہو سکا، محکمہ سکول ایجوکیشن  نے سکولوں کو نان سیلری بجٹ جاری نہ کیا۔ سکولوں میں بنیادی سہولیات کو پورا کرنے کیلئے نان سیلری بجٹ درکار ہوتا ہے۔ رواں مالی سال میں اب تک سکولوں کو پہلی قسط ہی جاری نہیں ہو سکی، سکولوں کو ہر تین ماہ بجٹ کی ایک قسط جاری کی جاتی ہے،لاہور  کے سکولوں کیلئے فی سہ ماہی 16 کروڑ  روپے کے فنڈز جاری کئے جاتے ہیں، سکولوں کے پاس فنڈز درکار نہ ہونے سے بلز کی ادائیگیوں میں بھی تاخیر کا سامنا کرنا پڑ رہا ہے۔