خلیل الرحمان قمر ہنی ٹریپ کیس، آمنہ عروج کی اپیل پر سماعت 8 اکتوبر کو مقرر

10-04-2025

(ویب ڈیسک) معروف ڈرامہ نگار خلیل الرحمان قمر ہنی ٹریپ کیس میں سزا کیخلاف مجرمہ آمنہ عروج کی اپیل پر سماعت 8 اکتوبر کو مقرر کر دی گئی۔

لاہور ہائیکورٹ نے اس اپیل کو سماعت کیلئے مقرر کرتے ہوئے فریقین کو دلائل کیلئے طلب کر رکھا ہے، جسٹس سید شہباز علی رضوی کی سربراہی میں دو رکنی بینچ سماعت کرے گا۔ انسداد دہشت گردی کورٹ سے سات سال کی سزا پانیوالی مجرمہ آمنہ عروج  نے اپیل میں مؤقف اپنایا ہے کہ ٹرائل کورٹ کا فیصلہ حقائق کے برعکس اور شواہد سے مطابقت نہیں رکھتا، لہٰذا سزا کو کالعدم قرار دیا جائے۔ دوسری جانب پراسیکیوشن اس مؤقف پر قائم ہے کہ عدالت میں پیش کئے گئے شواہد اور بیانات سے جرم مکمل طور پر ثابت ہوتا ہے اور سزا برقرار رکھی جانی چاہئے۔