آلودہ ترین شہروں کی فہرست میں لاہور سرفہرست،بارش کی پیشگوئی

10-04-2025

(لاہور نیوز) آلودہ ترین شہروں کی فہرست میں لاہور سرفہرست،بارش کی پیشگوئی، شہر میں آج سورج اور بادلوں میں آنکھ مچولی جاری رہے گی۔

محکمہ موسمیات کی جانب سے دن کے مختلف اوقات میں 40 سے 80 فیصد بارش کا امکان ظاہر کیا گیا ہے۔شہر کا موجودہ درجہ حرارت 28 ڈگری سینٹی گریڈ ریکارڈ کیا گیا۔زیادہ سے زیادہ 33 ،کم سے کم درجہ حرارت 23 ڈگری رہنے کا امکان ہے۔ شہر میں آج سورج اور بادلوں میں آنکھ مچولی جاری رہے گی۔ دوسری جانب شہر میں فضائی آلودگی بڑھنے لگی،شہر میں فضائی آلودگی کی مجموعی شرح 217ریکارڈ کی گئی،آلودہ ترین شہروں کی فہرست میں لاہور سرفہرست آ گیا۔ مختلف علاقوں میں ایئر کوالٹی انڈیکس 300سے تجاوزکرگیا۔ ملتان روڈ 316، اڈا پلاٹ 286 ،شالیمار ٹاؤن 261،پیراگون سٹی 258،سید مراتب علی روڈ 247،بیدیاں روڈ میں آلودگی کی شرح 243 ریکارڈ  کی گئی۔  بڑھتی آلودگی کے پیش نظر ماہرین کی جانب سے شہریوں کو احتیاطی تدابیر اختیار کرنے کی ہدایت کی گئی ہے۔