ماضی میں اداکارہ ریما اور میرا کے درمیان لڑائی کی وجہ سامنے آگئی

10-03-2025

(ویب ڈیسک) پاکستان کی سینئر اداکارہ اور فلمساز، ہدایتکارہ سنگیتا نے 90 کی دہائی کی مشہور اداکاراؤں ریما اور میرا کے درمیان لڑائی کی اصل وجہ بتا دی۔

سینئر اداکارہ سنگیتا حال ہی میں نجی ٹی وی کے ایک پروگرام  میں شریک ہوئیں جس دوران میزبان نے ان سے مختلف موضوعات پر سوالات  کیے۔ اداکاراؤں میں لڑائی سے متعلق سوال پر سنگیتا نے بتایا کہ ’ماضی میں اداکارہ میرا اور اداکارہ ریما کی بہت لڑائی ہو ا کرتی تھی  اور اس کی وجہ دونوں کی ہی  نمبر ون ہونے کی خواہش تھی۔ سنگیتا کے مطابق دونوں اداکاراؤں کو لگتا تھا کہ وہ ہی نمبر ون ہیں۔ دوسری جانب دھیمی اور نرم اداکارہ سے متعلق سوال کے جواب میں اداکارہ سنگیتا نے صائمہ کا نام لیا۔ ان کا کہنا تھا کہ تمام اداکاراؤں میں اداکارہ صائمہ سب سے دھیمی  ہیں، وہ کبھی کسی کے خلاف بات نہیں کرتی تھیں بہت سلجھی ہوئی اور نفیس سی ہیں۔ سنگیتا نے مزید بتایا کہ صائمہ کی سیٹ پر کبھی کسی اداکارہ سے لڑائی نہیں ہوئی وہ ہمیشہ اپنے کام سے کام رکھتی تھیں۔