چینی کی مزید درآمد روکنے کا فیصلہ

10-03-2025

(ویب ڈیسک)حکومت نے چینی کی مزید درآمد روکنے کا فیصلہ کیا ہے۔

سرکاری حکام کے مطابق وزارت قومی غذائی تحفظ میں شوگر سٹاکس کا جائزہ لیا گیا جس کے دوران چینی کی مزید درآمدات روکنے کا فیصلہ کیا گیا، حکام کا کہنا ہے کہ ٹریڈنگ کارپوریشن آف پاکستان (ٹی سی پی) کے ذریعے مزید چینی درآمد نہیں کی جائے گی، ملک میں شوگر کے وافر ذخائر دستیاب ہیں، مزید درآمد کی ضرورت نہیں ہے۔ چینی کی درآمد 3 لاکھ میٹرک ٹن کےموجودہ معاہدوں تک محدود رہے گی، 3 لاکھ میٹرک ٹن چینی کے آرڈرز پہلے ہی دیئے جا چکے ہیں، ٹی سی پی کو مزید چینی درآمد نہ کرنے کی ہدایات جاری کر دی گئی ہیں۔ یاد رہے کہ حکومت نے اس سے پہلے 5 لاکھ ٹن چینی درآمد کرنے کا فیصلہ کیا تھا۔