نیش کپ سکواش: اشعب عرفان اور نور زمان کی سیمی فائنل میں رسائی

09-26-2025

(لاہور نیوز) نیش کپ سکواش میں پاکستان کے کھلاڑیوں نے شاندار کارکردگی کا مظاہرہ کرتے ہوئے سیمی فائنل میں جگہ بنا لی۔

پاکستان کے اشعب عرفان نے بھارتی حریف ویر چھوثرانی کو سنسنی خیز مقابلے کے بعد 2-3 سے شکست دی، اشعب نے بھرپور کھیل کا مظاہرہ کرتے ہوئے قومی ٹیم کے لیے کامیابی حاصل کی۔ دوسری جانب پاکستان کے نور زمان نے کواٹر فائنل میں کولمبیا کے کھلاڑی کو شکست دے کر ایونٹ کے سیمی فائنل میں رسائی حاصل کر لی۔ پاکستانی کھلاڑیوں کی کامیابی کے بعد ایونٹ میں شائقین کو قومی سکواش ٹیم سے مزید فتوحات کی امید ہے۔