برطانیہ سے پی آئی اے کو پروازوں کی اجازت مل گئی

09-24-2025

(لاہور نیوز) پاکستان کی قومی ایئرلائن پی آئی اے کو برطانیہ سے متعلق دوسری بڑی کامیابی حاصل ہو گئی۔

برطانوی سول ایوی ایشن اتھارٹی نے پی آئی اے کو TCO (Third Country Operator) کا فائنل لائسنس جاری کر دیا ہے جس کے بعد پی آئی اے کو برطانیہ سے باقاعدہ طور پر فلائٹ آپریشن شروع کرنے کی اجازت مل گئی ہے۔ یہ وہ اجازت نامہ ہے جس کے بغیر یورپی اور برطانوی فضائی حدود میں کوئی غیر ملکی ایئرلائن پرواز نہیں کر سکتی۔ پی آئی اے حکام کے مطابق فلائٹ آپریشن کا آغاز پہلے مرحلے میں مانچسٹر ایئرپورٹ سے کیا جائے گا، اس سلسلے میں انتظامات کو حتمی شکل دی جا رہی ہے اور توقع ظاہر کی گئی ہے کہ آئندہ ایک ماہ کے اندر اندر فلائٹ آپریشن باضابطہ طور پر شروع کر دیا جائے گا۔