رواں مالی سال کے پہلے ماہ میں بجلی تقسیم کار کمپنیوں کو 87 ارب کا نقصان

09-24-2025

(لاہور نیوز) رواں مالی سال کے پہلے ماہ میں سرکاری بجلی تقسیم کار کمپنیوں کو 87 ارب روپے کے بھاری نقصان کا سامنا کرنا پڑا۔

تفصیلات کے مطابق 87 ارب میں سے ڈسکوز کی نااہلی کی مد میں کئے گئے نقصانات 41 ارب روپے اور بجلی وصولیوں کے نقصانات 46 ارب روپے ہیں۔ حکام کے مطابق اس سال جولائی میں بجلی تقسیم کار کمپنیوں کے مجموعی نقصانات میں گزشتہ سال جولائی کے مقابلے میں 60 ارب روپے کی کمی ریکارڈ کی گئی، جولائی 2024 میں ڈسکوز کے مجموعی نقصانات 147 ارب روپے تھے۔ رواں مالی سال کے پہلے ماہ کے دوران سرکاری بجلی تقسیم کار کمپنیوں کے نقصانات جاری رہے جس کے باعث قومی خزانے کو اربوں روپے کا نقصان پہنچا تاہم سالانہ بنیادوں پر ڈسکوز کے نقصانات کم ہوئے۔