پنجاب میں سیلاب متاثرین کی کیسے مدد کی جائیگی؟ وزیر اطلاعات پنجاب نے بتا دیا

09-23-2025

(لاہور نیوز) وزیر اطلاعات و نشریات عظمیٰ بخاری نے سیلاب متاثرین کی مدد کے حوالے سے پنجاب کے لائحہ عمل سے آگاہ کر دیا۔

وزیر اطلاعات پنجاب عظمیٰ بخاری نے ڈی جی پی آر لاہور میں پریس کانفرنس کرتے ہوئے کہا کہ سیلاب متاثرین کو بینظیر انکم سپورٹ پروگرام کے ذریعے مدد فراہم نہیں کی جا سکتی جو بی آئی ایس پی سے رجسٹرڈ ہی نہیں انہیں امداد کیسے دی جائے؟ سیلاب متاثرین کیلئے وزیر اعلیٰ کا ریلیف کارڈ بنے گا۔ ان کا کہنا تھا کہ وزیر اعلیْ پنجاب نے ریلیف پیکیج کا اعلان کر دیا ہے، کسان کو 20 ہزار فی ایکڑ دیا جائےگا، جس کا گھر گرا اسے 10 لاکھ، جس گھر کا نقصان ہوا اسے 5لاکھ دیں گے جبکہ گائے اور بھینس کے نقصان پر 5 لاکھ روپے دیئے جائیں گے۔ عظمیٰ بخاری نے مزید کہا کہ بلاول بھٹو  نے وزیر اعلی پنجاب کی تعریف کی لیکن شرجیل میمن کو بھاشن دینے کا شوق ہے، کراچی اور سندھ کا کیا حال ہے سب کے سامنے ہے، سندھ میں بیرونی امداد کے باوجود لوگ مکمل طور پر بحال نہیں ہوئے۔