پنجاب حکومت نے محکمہ پرائس کنٹرول کے تحت سٹریٹجک مینجمنٹ وِنگ قائم کر دیا
09-19-2025
(لاہور نیوز) پنجاب حکومت نے محکمہ پرائس کنٹرول کے تحت سٹریٹجک مینجمنٹ وِنگ قائم کر دیا، اے ڈی جی پرائس کنٹرول سٹریٹجک مینجمنٹ ونگ کی نگرانی کرینگے۔
سیکرٹری پرائس کنٹرول ڈاکٹر کرن خورشید کی ہدایت پر ونگ قائم کیا گیا، ابتدائی طور پر 8 ریسرچ آفیسرز کی مینجمنٹ ونگ میں تعینات کی گئی ہے، مینجمنٹ ونگ اشیاء کی طلب و رسد کے حوالے سے آگاہ کرے گا، اسکے ساتھ ساتھ اشیا کی مقامی و انٹرنیشنل مارکیٹس میں دستیابی پر نظر رکھی جائے گی۔ ونگ کا مقصد محکمے کے ذیلی اداروں کے ڈیش بورڈز کو یکجا کرنا ہے، تمام محکموں کے فیلڈ آپریشنز و دیگر اقدامات کی معلومات فراہم کی جائیں گی جبکہ مینجمنٹ ونگ محکمے کی نئی پلاننگ و ترجیحات کیلئے سفارشات بھی تیار کرے گا۔ محکمانہ کارکردگی کی مانیٹرنگ، کمپلائنس ،کے پی آئیز کو بھی ٹریک کیا جائیگا، حقائق کو مدنظر رکھتے ہوئے پالیسی سازی ممکن بنانے میں مدد ملے گی۔