پنجاب کے 20 اضلاع کے ڈرائیونگ سکولز میں نئے سیمولیٹرز نصب

09-19-2025

(لاہور نیوز) ڈی آئی جی ٹریفک محمد وقاص نذیر کی سربراہی میں ڈرائیونگ سکولز جدت کی طرف گامزن، رواں ماہ صوبہ پنجاب کے 20 اضلاع کے ڈرائیونگ سکولز میں نئے جدید سیمولیٹرز نصب کئے گئے۔

ڈی آئی جی ٹریفک پنجاب محمد وقاص نذیر کے مطابق گزشتہ ماہ پنجاب کے صرف 8 اضلاع کے ڈرائیونگ سکولز میں سیمولیٹرز نصب تھے، ابتک پنجاب کے 28 اضلاع کے ڈرائیونگ سکولز میں سیمولیٹر نصب ہو چکے ہیں۔ رواں ماہ 10 باقی اضلاع کے ڈرائیونگ سکولز میں جدید سیمولیٹرز نصب ہو جائیں گے، پہلے مرحلے میں لاہور، راولپنڈی، فیصل آباد میں سیمو لیٹرز نصب کئے گئے، گوجرانوالہ، ملتان، ساہیوال، اوکاڑہ  اور گجرات میں سیمولیٹرز نصب کئے گئے تھے، روایتی ٹریننگ سسٹم کو جدید خطوط پر استوار کیا جا رہا ہے۔ جدید سیمولیٹرز کی تنصیب کا مقصد بہترین سیکھیں اور محفوظ سفر کریں، پہلے مرلے میں سمیولیٹرز پر، دوسرے مرحلے پر شاہراہوں پر عملی تربیت دی جاتی ہے ، سیمولیٹرز اور شاہراہوں پر عملی تربیت سے طلبہ پراعتماد ڈرائیونگ کرتے ہیں۔ خواتین سیمولیٹرز پر محفوظ ماحول میں باآسانی ڈرائیونگ کی تربیت حاصل کر رہی ہیں۔