لاہور: سنگین جرائم میں ملوث 44 اشتہاریوں سمیت 431 ملزمان گرفتار
09-17-2025
(لاہور نیوز) لاہور میں پولیس کی جانب سے اشتہاریوں ،عادی ملزموں و عدالتی مفروروں کیخلاف سپیشل آپریشن جاری، متعدد سنگین جرائم میں ملوث عناصر گرفتار کر لئے گئے۔
پولیس کی جانب سے سٹریٹ کریمنلز، ڈاکوؤں، اشتہاریوں، عدالتی مفروروں کیخلاف کارروائیاں جاری ہیں، ایس پی ڈولفن ارسلان زاہد کا کہنا ہے کہ 44 اشتہاریوں سمیت مختلف مقدمات میں مطلوب 431 ملزمان گرفتار کر لئے گئے۔ گرفتار ملزموں پر سنگین جرائم کے متعدد مقدمات درج ہیں، ڈولفن سکواڈ نے 193ریکارڈ یافتہ، 108عادی مجرموں کو حراست میں لیا ہے جبکہ مختلف زیر سماعت مقدمات میں 84 عدالتی مفرور بھی گرفتار کئے گئے ہیں۔ ڈولفن سکواڈ نے گرفتار ملزموں کو کارروائی کیلئے متعلقہ تھانوں کے حوالے کر دیا، ایس پی ڈولفن کا کہنا تھا کہ شہر میں امن وامان کے قیام کو یقینی بنانے کیلئے پولیس ہمہ وقت الرٹ ہے۔