مناواں: دیرینہ دشمنی پر نوجوان قتل، 3 راہگیر فائرنگ سے شدید زخمی

09-17-2025

(لاہور نیوز) مناواں کے علاقہ میں دیرینہ دشمنی پر ایک شہری کو قتل کر دیا گیا جبکہ گولیوں کی زد میں آ کر زخمی ہونیوالے 3 راہگیروں کو طبی امداد کیلئے ہسپتال منتقل کر دیا گیا۔

مناواں اعوان ڈھائے والا میں دیرینہ دشمنی پر دو فریقین کے درمیان فائرنگ کے نتیجہ میں 28 سالہ نوجوان فیاض زخموں کی تاب نہ لاتے  ہوئے موقع پر ہی دم توڑ گیا۔ واقعہ کی اطلاع ملتے ہی پولیس کی بھاری نفری موقع پر پہنچ گئی، زخمی افراد کی شناخت لیاقت، وقاص اور ایک نامعلوم شخص کے طور پر ہوئی، جنہیں فوری طبی امداد کے لئے قریبی ہسپتال منتقل کر دیا گیا۔ پولیس نے جاں بحق ہونے والے فیاض کی لاش کو تحویل میں لے کر پوسٹ مارٹم کے لئے ڈیڈ ہاؤس منتقل کر دیا، پولیس کا کہنا ہے کہ ابتدائی تحقیقات کے مطابق واقعہ دیرینہ دشمنی کا شاخسانہ معلوم ہوتا ہے تاہم مختلف پہلوؤں سے تفتیش جاری ہے۔ پولیس حکام کا کہنا ہے کہ فائرنگ میں ملوث ملزموں کی گرفتاری کے لئے خصوصی ٹیمیں تشکیل دے دی گئی ہیں، ملزمان کی گرفتاری کیلئے مختلف مقامات پر چھاپے مارے جارہے ہیں۔