سیلاب سے ایم 5 موٹروے 5 مقامات پر متاثر، ٹریفک بند

09-17-2025

(لاہور نیوز) ملتان کی تحصیل جلال پور پیروالا کے قریب سیلاب سے ایم 5 موٹروے 5 مقامات پر متاثر ہونے کی تصدیق ہوئی ہے، موٹروے پر ہر طرح کی ٹریفک بند ہے۔

موٹروے ملتان سے جھانگڑہ انٹرچینج تک ٹریفک کے لئے بند ہے ، ترجمان موٹروے کے مطابق پانی کا بہاؤ کم ہونے تک موٹروے بحال نہیں ہو سکے گی۔ سیلاب سے ملتان میں 36 انچ کی گیس پائپ لائن متاثر  ہونے کا خدشہ پیدا ہو گیا، اس حوالے سے ترجمان سوئی ناردرن کا کہنا ہے کہ متوازی پائپ لائنوں سے گیس کی سپلائی جاری ہے، فی الحال کسی علاقے میں گیس کی فراہمی متاثر نہیں ہو گی۔ ادھر مظفرگڑھ کی تحصیل علی پور میں فوج، نیوی اور  ریسکیو کا مشترکہ آپریشن جاری ہے، ضلع میں 9 ہلاکتوں کی تصدیق ہو گئی، کئی افراد تاحال  لاپتہ ہیں، سیلابی پانی اترنے کے بعد اموات میں اضافے کا خدشہ ہے۔ دریائے ستلج میں ایمپریس برج پر پانی کم ہونے لگا لیکن اب بھی درمیانہ درجے کا سیلاب برقرار ہے۔