پنجاب اسمبلی نے تعلیمی اداروں میں موبائل فون پر پابندی سے متعلق قرار داد منطور کر لی

09-16-2025

(لاہور نیوز) پنجاب اسمبلی نے تعلیمی اداروں میں موبائل فون کے استعمال پر پابندی کی قرار داد منظور کر لی۔

پنجاب اسمبلی کے اجلاس میں آج منگل کے روز یہ قرارداد منظور کی گئی کہ تمام سرکاری اور پرائیویٹ سکولوں میں سٹوڈنٹس کے موبائل فون استعمال کرنے پر مکمل پابندی لگائی جائے، یہ اہم قرار داد حکومتی رکن راحیلہ خادم حسین  نے پنجاب کے قانون ساز  ایوان میں پیش کی۔ اس اہم قرارداد میں کہا گیا ہے کہ بچوں کی ذہنی و سماجی تربیت کی اولین ذمہ داری حکومت کی ہے، موبائل اور سوشل میڈیا سے بچوں کی اخلاقی اقدار بری طرح متاثر ہو رہی ہیں، حکومت کو اس سماجی مسئلہ کو سنجیدگی کے ساتھ حل کرنے کا لائحہ عمل تیار کرنا چاہیے۔ پرائیویٹ اور پبلک سکولز میں طلباء کےموبائل فون کے استعمال پر پابندی لگائی جائے، بچوں کے سوشل میڈیا اکاؤنٹ  بنانے کے عمل کو ریگولیٹ کرنے کیلئے اس بارےمیں قانون سازی کی جائے۔