ورلڈ اتھلیٹکس چیمپئن شپ: پاکستان اور بھارت کل ایک بار پھر آمنے سامنے

09-16-2025

(ویب ڈیسک) ورلڈ اتھلیٹکس چیمپئن شپ میں پاکستان اور بھارت کل ایک بار پھر آمنے سامنے ہوں گے۔

اس بار یہ مقابلہ کرکٹ نہیں بلکہ ٹوکیو میں جاری ورلڈ اتھلیٹکس چیمپئن شپ میں پاکستان کے ارشد ندیم اور بھارت کے نیرج چوپڑا کے درمیان ہو گا، جرمنی کے ویبر سمیت دوسرے معروف جویلین تھرور بھی ایکشن میں ہوں گے۔ ورلڈ اتھلیٹکس چیمپئن شپ میں بدھ کو جویلین تھرو ایونٹ کا کوالیفائنگ راؤنڈ ہے جو پاکستانی وقت کے مطابق 4 بج کر 45 منٹ پر شروع ہو گا، کوالیفائنگ راؤنڈ کے ذریعے 8 بہترین جویلین تھرور کا فائنل کیلئے انتخاب ہونا ہے جو جمعرات کو شیڈول ہے۔ ارشد ندیم نے اپنے پیغام میں قوم سے دعا کی اپیل کی ہے کہ پیرس اولمپکس میں جس طرح پوری قوم نے سپورٹ کیا اسی طرح اب اس ایونٹ کے لیے بھی مجھے دعاؤں میں یاد رکھیں۔ ارشد ندیم کا کہنا تھا کہ بھرپور محنت کی ہے، پوری کوشش کروں گا کہ ایک بارپھر پاکستان کا نام روشن کروں۔