جناح ہاؤس حملہ کیس: پی ٹی آئی رہنما محمود الرشید کی درخواست ضمانت مسترد

09-16-2025

(لاہور نیوز) انسداد دہشت گردی عدالت لاہور نے تحریک انصاف کے رہنما محمود الرشید کی جناح ہاؤس حملہ کیس میں دائر درخواست ضمانت مسترد کر دی۔

لاہور کی انسداد دہشت گردی عدالت کے جج منظر علی گل  نے درخواست ضمانت پر سماعت کی، دوران سماعت پراسیکیوشن  نے ملزم کی ضمانت مسترد کرنے کی استدعا کی۔ پراسیکیوشن  کی  جانب سے کہا گیا کہ میاں محمود الرشید 9 مئی کے مرکزی ملزم ہیں، ان کو 9 مئی کے 4 مقدمات میں سزا ہو چکی ہے، 4 عدالتوں کے فیصلوں میں ملزم کا 9 مئی کا جرم ثابت ہو چکا ہے، مقدمات میں بغاوت اور عوام کو فسادات پر اکسانےکی دفعات شامل ہیں۔ بعد ازاں عدالت نے دلائل مکمل ہونے کے بعد فیصلہ سناتے ہوئے میاں محمود الرشید کی درخواست ضمانت مسترد کر دی۔