پڑھے لکھے بیروزگار افراد کیلئے کالج ٹیچنگ انٹرنز کی ہزاروں بھرتیاں

09-14-2025

(لاہور نیوز) پنجاب ہائر ایجوکیشن ڈیپارٹمنٹ نے صوبے کے سرکاری کالجز میں اساتذہ کی کمی کو پورا کرنے کیلئے 8,084 کالج ٹیچنگ انٹرنز (CTIs) بھرتی کرنے کی منظوری دے دی ہے۔

محکمے کے مطابق ان آسامیوں میں 5 فیصد کوٹہ اقلیتوں کے لیے، 3 فیصد معذور افراد کے لیے اور 0.5 فیصد ٹرانسجینڈر کمیونٹی کے لیے مختص کیا گیا ہے۔  سروس کا دورانیہ انٹرمیڈیٹ کلاسز: سی ٹی آئیز کو 7 ماہ کے لیے تعینات کیا جائے گا (1 اکتوبر 2025 تا 30 اپریل 2026)۔ بی ایس پروگرامز: سی ٹی آئیز 10 ماہ تک خدمات انجام دیں گے (1 اکتوبر 2025 تا 31 جولائی 2026) یا جب تک مستقل اساتذہ تعینات نہ ہو جائیں۔ اہلیت کا معیار امیدوار کے پاس کم از کم بی ایس یا ماسٹرز ڈگری (سیکنڈ ڈویژن) ہونا لازمی ہے۔ ایم فل یا پی ایچ ڈی ڈگری رکھنے والوں کو ترجیح دی جائے گی۔ میرٹ کا تعین تعلیمی ریکارڈ، اعلیٰ ڈگریوں، بورڈ/یونیورسٹی پوزیشنز اور انٹرویو کی کارکردگی پر ہو گا۔ ماہانہ تنخواہ انٹرمیڈیٹ لیول: ماہانہ 50,000 روپے، بی ایس/گریجویٹ لیول: ماہانہ 60,000 روپے دیئے جائیں گے، منتخب امیدواروں کو ادائیگیاں براہِ راست بینک اکاؤنٹ میں کی جائیں گی۔ شرائط و ضوابط درخواست دہندگان کے لیے عمر کی کوئی حد مقرر نہیں، سی ٹی آئیز کو ہر ماہ دو عام چھٹیاں دی جائیں گی، ٹی اے/ڈی اے نہیں دیا جائے گا، یہ تقرریاں عارضی ہوں گی اور غیر تسلی بخش کارکردگی کی صورت میں کمیٹی ان کو ختم کر سکتی ہے، بھرتی خالصتاً میرٹ پر ہو گی جبکہ جعلی دستاویزات جمع کرانے والوں کی تقرری منسوخ کر دی جائے گی اور ان کیخلاف قانونی کارروائی ہو گی۔