بارشوں کا سلسلہ ختم ہوتے ہی لاہور میں گرمی کی شدت بڑھ گئی

09-13-2025

(لاہور نیوز) مون سون کی بارشوں کا سلسلہ تھمتے ہی صوبائی دارالحکومت لاہور میں گرمی کی شدت بڑھ گئی۔

لاہور میں صبح سویرے سے ہی سورج اپنے تیور دکھانے لگا۔ موسم کا حال بتانے والوں کا کہنا ہے کہ آج شہر کا کم سے کم درجہ حرارت 27 جبکہ زیادہ سے زیادہ 34 ڈگری سینٹی گریڈ تک جانے کا امکان ہے۔ محکمہ موسمیات کے مطابق شہر کا موجودہ درجہ حرارت 29 ڈگری سینٹی گریڈ ریکارڈ کیا گیا، ہوا میں نمی کا تناسب 77 فیصد تک جا پہنچا ہے، ہوا کی رفتار دو کلومیٹر فی گھنٹہ ریکارڈ کی گئی۔ پیشگوئی کے مطابق آئندہ دنوں میں شہر لاہور کا موسم گرم اور خشک رہے گا،شہر لاہور میں بارش کے کوئی امکانات موجود نہیں۔