آپ نے فکر نہیں کرنی، جو نقصان ہوا، پانی اتر جائے تو پورا کریں گے: مریم نواز

09-12-2025

(لاہور نیوز) وزیر اعلیٰ پنجاب مریم نواز نے لیاقت پور میں سیلاب متاثرین سے گفتگو کرتے ہوئے کہا کہ آپ نے فکر نہیں کرنی، جو نقصان ہوا ہے، پانی اتر جائے تو پورا کریں گے۔

مریم نواز  نے گل محمد لنگاہ فلڈ ریلیف کیمپ میں سیلاب متاثرین سے ملاقات کی، وزیر اعلیٰ نے متاثرہ بچوں کو تحائف بھی دیئے۔ وزیر اعلیٰ پنجاب نے سیلاب متاثرہ خواتین سے گفتگو کرتے ہوئے کہا کہ  اللہ خیر کریسی، اس موقع پر سیلابی ریلے میں جاں بحق افراد کے اہل خانہ کو امدادی چیکس بھی دیئے گئے۔ بعدازاں وزیر اعلیٰ پنجاب مریم نواز دورہ لیاقت پور مکمل ہونے کے بعد بذریعہ ہیلی کاپٹر رحیم یار خان روانہ ہو گئیں۔