پنجاب اسمبلی کا 31واں اجلاس 15 ستمبر کو طلب، ایجنڈا جاری کر دیا گیا

09-12-2025

(لاہور نیوز) پنجاب اسمبلی کے 31ویں اجلاس کا ایجنڈا جاری کر دیا گیا۔

31 واں اجلاس بروز پیر 15 ستمبر دوپہر 2 بجے ہو گا، اجلاس کی صدارت سپیکر پنجاب اسمبلی ملک محمد احمد خان کریں گے، اجلاس میں محکمہ سکول ایجوکیشن پوچھے گئے سوالات کے جوابات دے گا، اراکین اسمبلی اجلاس میں توجہ دلاؤ نوٹس پیش کریں گے اور 5 تحریک التواء کار زیرِ بحث آئیں گی۔ پنجاب اسمبلی اجلاس میں امن و امان کی صورتحال پر عام بحث کا آغاز ہو گا جبکہ ایجنڈے میں پرائس کنٹرول پر عام بحث کا آغاز بھی شامل ہے، اراکین اسمبلی اجلاس میں اہم نوعیت کے حامل معاملات اٹھائیں گے۔ سپیکر پنجاب اسمبلی ملک محمد احمد خان  کی جانب سے یہ اجلاس اپوزیشن کی ریکوزیشن پر طلب کیا گیا ہے۔