پاکستان ٹیلی کمیونیکیشن اتھارٹی کی غیررجسٹرڈ موبائل فونز بلاک کرنے کی وارننگ

09-11-2025

(لاہور نیوز) پاکستان ٹیلی کمیونیکیشن اتھارٹی (پی ٹی اے) نے غیررجسٹرڈ موبائل فونز بلاک کرنے کی وارننگ دے دی۔

ترجمان پی ٹی اے کے مطابق صارفین کے پاس وقت کم ہے، سروس میں خلل اور بلاکنگ سے بچنے کے لئے آج ہی اپنی ڈیوائس رجسٹر کروائیں، غیررجسٹرڈ موبائل فونز جلد بلاک کر دیئے جائیں گے۔ پی ٹی اے  نے کہا ہے کہ غیررجسٹرڈ موبائل فونز سنگین قانونی نتائج کا باعث بن سکتے ہیں، صارفین اپنی حفاظت کے لئے غیر رجسٹرڈ ڈیوائسز سے بچیں کیونکہ یہ قومی سلامتی کو نقصان پہنچانے کے لئے استعمال ہوتے ہیں، اس کے علاوہ یہ مالی اور سائبر فراڈ میں معاونت کا بھی ذریعہ ہیں۔