سوشل میڈیا پر متحرک مرد و خواتین پولیس اہلکاروں کیخلاف کارروائی کی سفارش

09-10-2025

(لاہور نیوز) آئی جی پنجاب کے سخت احکامات کے باجود پولیس اہلکاروں نے سوشل میڈیا کا استعمال ترک نہ کیا تاہم خلاف وزری پر اہلکاروں کیخلاف محکمانہ کارروائی کا حکم دے دیا گیا۔

محکمانہ پابندی کے باجود متعدد افسران و اہلکار پالیسی کی سنگین خلاف ورزیوں کے مرتکب نکلے، مرد پولیس اہلکاروں کی نسبت خواتین اہلکار سوشل میڈیا پر زیادہ متحرک نظر آئیں، اوسطاً 12 اہلکار روزانہ سوشل میڈیا پالیسی سے ہٹ کر مواد اپن لوڈ کرتے ہیں۔ 3 دن کی رپورٹ میں 60 فیصد سے زائد اہلکار لاہور میں تعینات نکلے، ضلعی، ٹریفک، انویسٹی گیشن و دیگر یونٹس کے اہلکار اس میں شامل ہیں، واضح رہے کہ آئی جی پنجاب پولیس نے یونیفارم میں پوسٹیں اپ لوڈ کرنے سے منع کر رکھا ہے۔ خلاف ورزیوں سے متعلق رپورٹس میں کہا گیا ہے کہ افسران و اہلکار سٹینڈنگ آرڈر نمبر 1/2025 کی خلاف ورزی کرتے پائے گئے ہیں تاہم  خلاف وزری پر ان کیخلاف محکمانہ کارروائی عمل میں لائی جائے۔ افسران و اہلکاروں کیخلاف کارروائی کی رپورٹ جلد آئی جی پنجاب کو بھجوا دی جائے گی، مراسلہ میں یہ بھی کہا گیا ہے کہ تمام افسران و اہلکاروں کو خلاف ورزی سے متعلق ایک بار پھر آگاہی دی جائے۔