لیگی رہنما رانا ثناء اللہ کی بطور سینیٹر کامیابی کا نوٹیفکیشن جاری

09-10-2025

(لاہور نیوز) الیکشن کمیشن نے رانا ثناء اللہ کی بطور سینیٹر کامیابی کا نوٹیفکیشن جاری کر دیا۔

الیکشن کمیشن کے مطابق وزیر اعظم شہباز شریف کے مشیر برائے سیاسی امور رانا ثناء اللہ پنجاب سے جنرل سیٹ پر سینیٹر منتخب ہوئے ہیں تاہم نوٹیفکیشن لاہور ہائیکورٹ میں زیر التوا مقدمہ کے فیصلہ سے مشروط کر کے جاری کیا گیا ہے۔ یاد رہے کہ پنجاب اسمبلی میں پی ٹی آئی کے سینیٹر اعجاز چودھری کی نااہلی سے خالی ہونے والی نشست پر ضمنی الیکشن کیلئے گزشتہ روز پولنگ ہوئی تھی۔ واضح رہے کہ پاکستان تحریک انصاف نے ضمنی الیکشن کا بائیکاٹ کیا لیکن نام واپس نہ لینے کی وجہ سے بیلٹ پیپر پر ن لیگ کے رانا ثناء اللہ  اور پی ٹی آئی کی خاتون امیدوار سلمیٰ اعجاز کا نام موجود تھا۔