پنجاب حکومت کا سیلاب متاثرین کیلئے ’لاسٹ اینڈ فاؤنڈ ڈیپارٹمنٹ‘ قائم کرنے کا فیصلہ

09-10-2025

(لاہور نیوز) پنجاب حکومت نے سیلاب متاثرین کے معاشی نقصانات کے ازالے کیلئے بڑا قدم اٹھاتے ہوئے’’لاسٹ اینڈ فاؤنڈ ڈیپارٹمنٹ‘‘ قائم کرنے کا فیصلہ کیا ہے۔

ذرائع کے مطابق سیلاب متاثرین کے نقصانات کے ازالے کیلئے ورکنگ شروع کر دی گئی ،نیا ڈیپارٹمنٹ متاثرہ گھروں، فصلوں، زمینوں اور جانوروں کے نقصان کا ریکارڈ مرتب کریگا۔ سیٹلائٹ سروے، زمینی گِرداوری کے ذریعے نقصانات کا درست تخمینہ لگایا جائے گا، تمام متعلقہ محکموں سے مالی نقصان کا ڈیٹا جمع کرکے یکجا رپورٹ تیار کی جائے گی۔ محکمہ نقصانات کی بنیاد پر معاوضے، بحالی کے اقدامات کیلئے سفارشات مرتب کریگا، حکومت متاثرہ افراد کو بروقت، شفاف معاوضہ فراہم کرنے کیلئے نیا نظام لائے گی، لاسٹ اینڈ فاؤنڈ ڈیپارٹمنٹ شفافیت یقینی بنائے گا، متاثرین کو معاوضے کے عمل سے آگاہ رکھے گا۔