ماڈل ٹاؤن اور کوٹ لکھپت پولیس کی کارروائیاں، 9 ملزمان گرفتار

09-08-2025

(لاہور نیوز) ماڈل ٹاؤن ڈویژن پولیس نے جرائم پیشہ عناصر کے خلاف کارروائیاں تیز کرتے ہوئے مختلف جرائم میں ملوث 9 ملزمان کو گرفتار کر لیا۔

پولیس ترجمان کے مطابق کارروائیاں کوٹ لکھپت اور ماڈل ٹاؤن تھانوں کی حدود میں کی گئیں، گرفتار ملزمان میں 2 منشیات فروش، 3 اشتہاری اور 1 ناجائز اسلحہ رکھنے والا شامل ہے، جبکہ مجموعی طور پر 3 ریکارڈ یافتہ ملزمان بھی گرفتار کئے گئے ہیں۔ پولیس کا کہنا ہے کہ ملزمان کو پٹرولنگ، سنیپ چیکنگ اور خفیہ اطلاع پر ٹریس کرکے گرفتار کیا گیا، گرفتار افراد ماضی میں چوری، ڈکیتی، کرایہ داری کی خلاف ورزی سمیت 21 مقدمات میں ملوث پائے گئے ہیں، اشتہاری ملزمان کے خلاف ہوائی فائرنگ اور ناجائز اسلحہ کے 5 مقدمات درج تھے۔ پولیس  نے گرفتار ملزمان سے 1 کلو 100 گرام چرس اور ایک پستول بھی برآمد کیا ہے، تمام ملزمان کے خلاف مقدمات درج کرکے انہیں انویسٹی گیشن ونگ کے حوالے کر دیا گیا ہے۔ ایس پی ماڈل ٹاؤن اخلاق اللہ تارڑ  نے کہا ہے کہ جرائم پیشہ عناصر کے خلاف سپیشل کارروائیاں جاری ہیں اور شہریوں کے تحفظ کو یقینی بنانے کیلئے سخت اقدامات کئے جا رہے ہیں۔