سپیکر قومی اسمبلی ایاز صادق کی پاکستان کرکٹ ٹیم کو فائنل جیتنے پر مبارکباد

09-07-2025

(لاہور نیوز) سپیکر قومی اسمبلی سردار ایاز صادق نے پاکستان کرکٹ ٹیم کو سہ فریقی ٹی ٹونٹی کرکٹ سیریز جیتنے پر مبارکباد دی۔

سپیکر سردار ایاز صادق نے قومی کرکٹ ٹیم کیلئے نیک خواہشات کا اظہار کیا اور کہا کہ قومی کرکٹ ٹیم  نے افغانستان کے خلاف بہترین کارکردگی کا مظاہرہ کیا، انہوں  نے محمد نواز اور دیگر بالرز کی شاندار بولنگ کو بھی سراہا۔ سپیکر  قومی اسمبلی نے کہا کہ پاکستان کرکٹ ٹیم بھرپور صلاحیتوں کی مالک ہے، پاکستانی کرکٹ ٹیم کس بھی بین الاقوامی ٹیم سے جیتے کی صلاحیت رکھتی ہے۔ انہوں نے مزید کہا کہ پاکستانی ٹیم  نے سہ فریقی ٹی ٹونٹی کرکٹ ٹورنامنٹ میں یو اے ای اور افغانستان کی ٹیموں کے خلاف شاندار کھیل کا مظاہرہ کیا، امید ہے کہ قومی کرکٹ ٹیم ایشیاء کپ میں بہترین کھیل کا مظاہرہ کرے گی، ایشیاء کپ کرکٹ ٹورنامنٹ میں قوم کی دعائیں ٹیم کے ساتھ ہیں۔