پنجاب حکومت نے آٹے کے 10 کلو تھیلے کی قیمت 905 روپے مقرر کر دی، عظمٰی بخاری

09-05-2025

(لاہور نیوز) وزیر اطلاعات پنجاب عظمٰی بخاری نے کہا ہے کہ پنجاب حکومت نے آٹے کے 10 کلو تھیلے کی قیمت 905 روپے مقرر کر دی ہے۔

وزیر اطلاعات پنجاب عظمی بخاری نے اپنے بیان میں کہا ہے کہ سیلاب کی آڑ میں قیمتیں بڑھانے کی اجازت نہیں دی جائے گی، اس حوالے سے پنجاب حکومت نے نوٹیفکیشن جاری کر دیا ہے۔ انہوں  نے کہا کہ 20 کلو آٹے کے تھیلے کی قیمت 1810 روپے مقرر کی ہے، روٹی کی قیمت 14 روپے مقرر کی ہے، وزیر اطلاعات نے آٹے اور روٹی کی قیمتوں کے نوٹیفکیشن بھی شیئر کر دیئے۔