شدید بارشیں اور سیلاب: محکمہ ہاؤسنگ کے تمام ذیلی اداروں کی چھٹیاں منسوخ

09-05-2025

(لاہور نیوز) شدید بارشیں اور سیلاب کی موجودہ صورتحال کے پیش نظر محکمہ ہاؤسنگ کے تمام ذیلی اداروں کے افسروں و اہلکاروں کی چھٹیاں منسوخ کر دی گئیں۔

سیکرٹری ہاؤسنگ نورالامین مینگل کی ہدایت پر نوٹیفکیشن جاری کر دیا گیا ہے، جس کے مطابق تمام ڈویلپمنٹ اتھارٹیز، ہارٹیکلچر اور واسا ایجنسیاں متاثرہ اضلاع کیلئے وسائل فراہم کرینگی، ڈویلپمنٹ اتھارٹیز اور ہارٹیکلچر ایجنسیاں متعلقہ اضلاع کو سپورٹ فراہم کریں گی۔ نوٹیفکیشن میں کہا گیا ہے کہ فلڈ ریلیف کیمپس میں بلاتعطل پینے کے پانی کی فراہمی یقینی بنائی جائے گی، افسروں کو متعلقہ اضلاع کے ریلیف کیمپس میں 24 گھنٹے موجود رہنےکی ہدایت بھی کی گئی ہے۔