موسمیاتی تبدیلی پوری دنیا میں آ رہی ہے، ٹیم ورک سے جانی نقصان کم ہوا: رانا ثنا

09-04-2025

(لاہور نیوز) مشیر وزیر اعظم رانا ثنا اللہ نے کہا ہے کہ موسمیاتی تبدیلی پوری دنیا میں آرہی ہے، پانی کا سکیل بہت زیادہ تھا، ٹیم ورک سے جانی نقصان کم ہوا۔

پنجاب اسمبلی میں میڈیا سے گفتگو کرتے ہوئے رانا ثناء اللہ کا کہنا تھا کہ ستلج اور راوی خشک ہو چکے تھے وہاں پانی بہت آیا ہے، گورنمنٹ کے تمام اداروں نے ایک ٹیم کے طور پر کام کیا۔ رانا ثنا اللہ  نے کہا کہ سیلاب متاثرہ علاقوں سے لاکھوں افراد کو نکالا ہے، اگر گورنمنٹ الرٹ نہ ہوتی تو نقصان بہت زیادہ ہوتا۔ مشیر وزیر اعظم کا کہنا تھا کہ سول وار کی کوشش ہو رہی ہے، 9 مئی کو یہ کوشش ہوئی، 24 اور 26 تاریخ کو بھی کوشش کی گئی، سول وار کی کسی صورت اجازت نہیں دی جائے گی، اس سے پاکستان کی سالمیت کو نقصان ہو سکتا ہے۔ رانا ثنا اللہ نے کہا کہ کوئی بھی دھڑا ہو اس کو سختی سے روکنا چاہئے، کسی زمانے میں آرمی چیف کی مدت 4 سال ہوتی تھی پھر 3 سال ہو گئے، اب آرمی چیف کی مدت پانچ سال ہو گئی ہے۔ انہوں  نے مزید کہا کہ 2027 میں مدت پوری ہو گی اس کے بعد ایکسٹینشن کا سوال پیدا ہوگا، فیلڈ مارشل عاصم منیر نے 78 سالوں میں اس قوم کو معرکہ حق کی صورت میں فخر کرنے کا موقع دیا ہے۔