محکمہ تعلیم کا یوم دفاع بھرپور جوش و جذبے سے منانے کا فیصلہ

09-04-2025

(لاہور نیوز) محکمہ تعلیم پنجاب نے کہا ہے کہ 6 ستمبر کو یومِ دفاع بھرپور جوش و جذبے سے منایا جائے گا۔

محکمہ تعلیم پنجاب کا کہنا ہے کہ تمام سرکاری و نجی سکولوں میں تقریبات کا انعقاد کیا جائے گا، سیمینارز، ورکشاپس، تقاریر اور ڈیکلیمیشن مقابلوں کی ہدایت جاری کر دی گئی ہیں۔ طلباء وطن سے محبت کے اظہار کیلئے ملی نغمے اور ٹیبلوز پیش کریں گے، پاک افواج کی قربانیوں کو خراجِ تحسین پیش کیا جائے گا، طلبا میں حب الوطنی، جرات اور قربانی کا جذبہ اجاگر کرنے کی بھی ہدایت کی گئی ہے۔