ریسکیو 1122: ماہ اگست میں 2 لاکھ 23 ہزار 447 افراد کو ایمرجنسی مدد فراہم کی گئی

09-02-2025

(لاہور نیوز) ریسکیو 1122 سیلاب متاثرین کی مدد کے ساتھ ہنگامی صورتحال سے نمٹنے کیلئے بھی متحرک ہے۔

ریسکیو ترجمان کے مطابق اگست کے دوران پنجاب بھر میں 2 لاکھ 23 ہزار 447 ایمرجنسی متاثرین کو مدد فراہم کی گئی، 40 ہزار 286 ٹریفک حادثات کے نتیجے میں 340 افراد جاں بحق ہوئے۔ لاہور میں اگست کے دوران 7459 ٹریفک حادثات میں 37 افراد جان سے گئے، مختلف اضلاع میں گزشتہ ماہ کے دوران ڈوبنے کے 137 واقعات رپورٹ ہوئے، گزشتہ ماہ ایک لاکھ 49 ہزار 795 میڈیکل ایمرجنسیز پر فوری رسپانڈ کیا گیا۔ اگست کے دوران پنجاب بھر میں آتشزدگی کے 1366 واقعات رپورٹ ہوئے،ایک ماہ کے دوران لاہور 320 واقعات کے ساتھ سر فہرست رہا، اگست کے دوران عمارتیں گرنے کے 127 واقعات رپورٹ ہوئے، مختلف اضلاع میں جرائم سے متعلقہ 4440 کالز پر ریسکیو سروسز فراہم کی گئیں، کرنٹ لگنے کے 1998 حادثات رپورٹ جبکہ جھلسنے کے 286 واقعات پر بھی مدد فراہم کی گئی۔