سیلابی صورتحال: لاہور میں 45 سکولز یکم ستمبرکے بعد بھی بند رہیں گے

08-31-2025

(لاہور نیوز) شہر لاہور کے 45 سکولوں کے سوا تمام سکولز یکم ستمبر سے دوبارہ تعلیمی سرگرمیاں شروع کریں گے۔

ڈی سی لاہور سید موسیٰ رضا نے نوٹیفکیشن جاری کر دیا۔ نوٹیفکیشن میں کہا گیا ہے کہ سیلابی صورتحال کے پیش نظر  45سکولز ریلیف کیمپس میں تبدیل کئے گئے ہیں ۔ نوٹیفکیشن کے مطابق سنٹرل ماڈل سکول ریٹی گن روڈ ،مراکہ ،مانگا ،چوہنگ، شاداب کالونی، سگیاں کے سرکاری سکولز بند رہیں گے ۔ تاڑ گڑھ شاہدرہ، بند روڈ شفیق آباد ،پری محل شاہدرہ کا سرکاری سکول بند رہے گا۔ اسی طرح نیاز بیگ ،شاہ پور کانجراں ،بند روڈ ، گاؤشالا،رنگیل پور، خورد پور، چھگیاں بھمہ ،موہلنوال ،ملتان روڈ ،مانوال کے سرکاری سکولوں میں بھی تعلیمی سرگرمیاں شروع نہیں ہونگی۔ علاوہ ازیں قلعہ تراڑ ،مصطفیٰ آباد ،ملک پارک ،عزیز کالونی ،مانگا ہیڑ،جھگیاں باجا، برٹس ،ہیون ،سٹار ،چلڈرن پیراڈائز سکولز بھی بند رہیں گے ۔