جاپان کی پاکستان کے ریکو ڈک منصوبے میں دلچسپی

08-29-2025

(ویب ڈیسک) جاپان بینک برائے بین الاقوامی تعاون نے پاکستان کے ریکو ڈک منصوبے میں دلچسپی ظاہر کی ہے۔

جاپان بینک برائے بین الاقوامی تعاون کے وفد نے و فاقی وزیر پٹرولیم علی پرویز ملک سے ملاقات کی، وفد کی قیادت جے بی آئی سی میں کان کنی اور میٹل فنانس کے ڈائریکٹر جنرل ٹارو کیٹو  نے کی۔ ملاقات میں وفاقی وزیر  نے کہا کہ ریکو ڈک منصوبے میں جاپان بینک کی دلچسپی خوش آئند ہے، پاکستانی معیشت میں سرمایہ کاری میں جاپانی دلچسپی اور اعتماد کو سراہتے ہیں۔ انہوں نے کہا کہ ریکو ڈک منصوبے کو وفاقی و صوبائی سطح پر مکمل حمایت حاصل ہے، ریکو ڈک منصوبہ پاکستان میں ذمہ دارانہ اور پائیدار کان کنی کے معیار کو قائم کرے گا۔ علی پرویز ملک نے مزید کہا کہ مائننگ فریم ورک کی ہم آہنگی کے لئے ٹھوس اقدامات کئے ہیں۔ اس موقع پر ڈائریکٹر جنرل جے بی آئی سی ٹارو کیٹو  نے کہا کہ جاپان بینک کان کنی سمیت توانائی کے شعبے میں تعاون بڑھانے پر کام کرے گا۔