پٹرولیم مصنوعات کی قیمتوں میں کمی کا امکان

08-29-2025

(لاہور نیوز) پٹرولیم مصنوعات کی قیمتوں میں یکم ستمبر سے معمولی کمی کا امکان ہے۔

ذرائع کے مطابق آئندہ 15 روز کیلئے پٹرول کی قیمت میں 61 پیسے فی لٹر جبکہ ہائی سپیڈ ڈیزل کی قیمت میں 3 روپے 13 پیسے فی لٹر کمی ہو سکتی ہے۔ مٹی کے تیل کی قیمت میں ایک روپے 57 پیسے فی لٹر اور لائٹ ڈیزل آئل کی قیمت میں 2 روپے 61 پیسے فی لٹر کمی کا امکان ہے۔ اوگرا پٹرولیم مصنوعات سے متعلق اپنی ورکنگ آج رات گئے وزارت پٹرولیم کے ذریعے فنانس ڈویژن کو بھجوائے گا، وزارت خزانہ وزیراعظم سے مشاورت کے بعد نئی قیمتوں میں کمی کا نوٹیفکیشن جاری کرے گی۔