مریم نواز کی ہدایت پر مزید 4 اضلاع میں واسا ایجنسیاں قائم
08-29-2025
(لاہور نیوز) وزیراعلیٰ پنجاب مریم نواز شریف کی خصوصی ہدایت پر مزید 4 اضلاع میں واسا ایجنسیوں کا قیام عمل میں لایا گیا۔
ترجمان محکمہ ہاؤسنگ کے مطابق مری، شیخوپورہ، ننکانہ اور گجرات میں واسا ایجنسیاں قائم کر دی گئیں، پنجاب واٹر اینڈ سینیٹیشن اتھارٹی ایکٹ 2025 کے تحت بورڈ آف گورنرز کی تشکیل دے دی گئی، ہر واسا ایجنسی کے بورڈ آف گورنرز کی سربراہی چیئرپرسن کریگا، بورڈ آف گورنرز ہاؤسنگ، فنانس، لوکل گورنمنٹ اور پی اینڈ ڈی کے نمائندوں پر مشتمل ہو گا۔ ترجمان محکمہ ہاؤسنگ کے مطابق نمائندوں کا انتخاب متعلقہ محکمے کریں گے، صوبائی اسمبلی کے 2 ممبران، ایک مرد اور ایک خاتون بھی بورڈ آف گورنرز کے ممبر ہونگے، متعلقہ اضلاع کے ڈی سی، نمائندہ پنجاب واسا اتھارٹی ، 3 تکنیکی ماہرین بورڈ میں شامل کئے جائینگے، متعلقہ ایم ڈی واسا بورڈ کا سیکرٹری ہو گا، 10 اضلاع میں واسا ایجنسیوں کا قیام مکمل، مزید 4 کی تشکیل کی جا رہی ہے۔