پنجاب: افسران اور اُن کے اہلِ خانہ کیلئے بڑی سہولت، نوٹیفکیشن جاری

08-28-2025

(لاہور نیوز)پنجاب حکومت کی جانب سے اہم فیصلہ کیا گیا ہے جس کے تحت (PAS اور PMS) افسران اور ان کے اہل خانہ کو علیحدہ میڈیکل سہولتوں کی فراہمی یقینی بنائی جائے گی۔

سپیشلائزڈ ہیلتھ کیئر اینڈ میڈیکل ایجوکیشن ڈیپارٹمنٹ نے فوکل پرسن تعینات کر دیا، سیکشن آفیسر مسٹر زُنیر مقصود کو  فوکل پرسن مقرر کردیا گیا، فوکل پرسن افسرانِ حکومت (PAS اور PMS) اور ان کے اہل خانہ کے لیے طبی سہولتوں کی فراہمی یقینی بنائیں گے۔ نوٹیفکیشن کے مطابق فوکل پرسن وائس چانسلرز، ڈائریکٹرز، ڈینز اور میڈیکل سپرنٹنڈنٹس کے ساتھ رابطہ کریں گے، اسکے علاوہ فوکل پرسن شارحیل احمد (ویلفیئر فسیلیٹیشن سیل، S&GAD) کے ساتھ بھی کوآرڈینیشن کریں گے۔ نوٹیفکیشن میں مزید کہا گیا ہے کہ فوکل پرسن سرکاری ہسپتالوں میں افسران اور ان کے اہل خانہ کو بہترین طبی سہولیات فراہم کرانے کے پابند ہوں گے۔