احتجاج کے 7 مقدمات میں ضمانت کیلئے بانی پی ٹی آئی کا عدالت سے رجوع

08-28-2025

(لاہور نیوز) بانی پی ٹی آئی نے احتجاج کے 7 مقدمات میں ضمانت کیلئے عدالت سے رجوع کر لیا۔

بانی پی ٹی آئی کی جانب سے انسداد دہشت گردی عدالت راولپنڈی میں سات مقدمات میں ضمانت بعد از گرفتاری کی درخواستیں دائر کر دی گئیں۔ جج امجد علی شاہ نے درخواستیں یکم ستمبر کیلئے فکس دیں، عدالت نے فریقین کو نوٹس جاری کرتے ہوئے استغاثہ سے ریکارڈ طلب کر لیا ہے۔ واضح رہے کہ بانی پی ٹی آئی ستمبر، اکتوبر اور نومبر کے احتجاج کے سات مقدمات میں جوڈیشل ریمانڈ پر ہیں۔