کلمہ چوک سے لاہور برج تک بائیکر لین کیلئے مخصوص ڈیوائیڈر ختم

08-28-2025

(لاہور نیوز) ایل ڈی اے نے شہر میں پہلی بار آزمائشی طور پر شروع کیا گیا بائیک لین منصوبہ واپس لینے کا فیصلہ کر لیا ہے۔

کلمہ چوک سے لاہور برج تک دونوں اطراف تجرباتی بنیادوں پر بائیکر لین بنائی گئی تھی، اب کلمہ چوک سے لاہور برج تک بائیکر لین کیلئے کرب سٹونز سے بنائی گئی مخصوص ڈیوائیڈر کو ختم کر دیا گیا ہے، ایک ہفتہ بعد لاہور برج سے کلمہ چوک تک بائیکر لین کو بھی ختم کر دیا جائے گا۔ ایل ڈی اے نے بدھ کی رات ایک سائیڈ سے بائیک لین کی بنی کو ختم کر کے اسے مین فیروز پور روڈ سے ملا دیا، بائیک لین کے ڈیوائیڈر کو ختم کرنے کے بعد بائیک لین کا پینٹ اور نشانات باقی رہیں گے۔ یاد رہے کہ منصوبے کو بنانے کے بعد جب ٹریفک چلائی گئی تو ٹریفک فلو بری برح ناکام ہو گیا تھا۔