سیلابی صورتحال، محکمہ صحت و آبادی کے ہسپتالوں میں ایمرجنسی نافذ

08-27-2025

(لاہور نیوز) سیلابی صورتحال کے تحت محکمہ صحت و آبادی کے ہسپتالوں میں ایمرجنسی نافذ کر دی گئی ہے۔

وزیر صحت نے سیلابی صورتحال کے پیش نظر ہنگامی اقدامات کی ہدایت کی، خواجہ عمران نذیر  نے محکمہ صحت و آبادی کی ٹیموں کو 24 گھنٹے الرٹ رہنے کی ہدایت کی، تمام سی ای او ہیلتھ اور ایم ایس حضرات کو تمام انتظامات مکمل رکھنے کا حکم دیا۔ خواجہ عمران نذیر  نے ہسپتالوں کی ایمرجنسی میں ادویات کی فراہمی یقینی بنانے کا حکم  دے دیا، سی ای او ہیلتھ، ایم ایس، ضلعی انتظامیہ، ریسکیو و دیگر محکموں کیساتھ رابطے میں رہیں۔ وزیر صحت خواجہ عمران نذیر  نے کہا کہ متاثرہ علاقوں کا دورہ کر کےمیں خود انتظامات کا جائزہ لوں گا، متاثرہ علاقوں میں کلینک آن ویلز فلیٹ فل پیکج کیساتھ مکمل طور پر فعال رہیں جبکہ متاثرین کو تمام طبی سہولیات فراہم کی جا ئیں، متاثرہ علاقوں میں وبائی امراض کی ادویات کی دستیابی یقینی بنائی جائے۔ وزیر صحت نے محکمے کو ایمرجنسی سمیت سانپ کاٹنے کی ادویات ہسپتالوں میں دستیاب رکھنےکی ہدایت کی اور کہا کہ کسی بھی ہنگامی صورتحال سے نمٹنے کیلئے تیار رہیں، امدادی اقدامات کو حتمی شکل دی جائے جبکہ طبی سہولیات کی فراہمی میں کمی یاکوتاہی برداشت نہیں کی جائیگی۔ وزیر اعلیٰ پنجاب مریم نواز ریلیف آپریشن کی خودنگرانی کر رہی ہیں، ان کے حکم پر متاثرہ علاقوں میں ٹیموں کو الرٹ کر دیا گیا ہے۔