پنجاب میں سی سی ڈی کو مزید مستحکم کرنے کا فیصلہ

08-26-2025

(ویب ڈیسک) پنجاب حکومت نے سی سی ڈی کو مزید مستحکم کرنے کا فیصلہ کیا ہے تاکہ جرائم کی روک تھام اور امن و امان کی صورتحال کو مزید بہتر بنایا جا سکے۔

سی سی ڈی کومستقبل میں مزیدٹارگٹس سونپنے پر ورکنگ کا آغاز  کر دیا گیا، سائبرکرائم ، نارکوٹکس اورمنظم قبضہ گروپس مستقبل کے ٹارگٹس میں شامل ہیں، سی سی ڈی خواتین کو ہراساں کرنے اوردیگر سائبرکرائم پر ایکشن لے گی، سائبر کرائم سے نبردآزما ہونے کیلئے جدید گیجٹس ،ڈیٹا تک رسائی دی جائے گی،سی سی ڈی کے تمام تر سسٹم کو ڈیجیٹلائز کیا جائے گا۔ سی سی ڈی منظم قبضہ گروپوں کا ریکارڈ مرتب کرے گی،زمین جائیدادوں پرقبضہ کرنے والوں کیخلاف بھی کارروائی کا اختیارملے گا، قبضہ گروپس کی بیخ کنی کے لیے سابقہ ریکارڈ سے مدد لی جائے گی،اولڈ کیسزاور زیر التوا مقدمات کی تفتیش بھی سی سی ڈی کو دے دی جائے گی۔ سی سی ڈی کو منشیات، سائبر کرائم ، قبضہ گروپس کیخلاف مقدمات کےاندراج اور گرفتاریوں کا اختیار ہوگا۔