اچھرہ: 20 سالہ ملازم کی گھر میں ایئر کنڈیشنر کے باکس سے پھندا لگی لاش برآمد
08-26-2025
(لاہور نیوز) لاہور کے علاقے اچھرہ میں ایک گھر سے 20 سالہ نوجوان کی پھندا لگی لاش ملی ہے۔
پولیس کے مطابق مانسہرہ کا رہائشی 20 سالہ ارشد ونڈ سر پارک اچھرہ میں ایک گھر میں ملازم تھا، گھر کی فیملی اسلام آباد گئی ہوئی تھی اور وہ گھر میں اکیلا تھا۔ پولیس کا بتانا ہے کہ فیملی واپس آئی تو ایئر کنڈیشنر کے باکس سے اس کی پھندا لگی لاش ملی۔ پولیس کا کہنا ہے کہ واقعہ بظاہر خودکشی معلوم ہوتا ہے تاہم لاش پوسٹ مارٹم کے لئے بھجوا کر قتل سمیت دیگر پہلوؤں پر تحقیقات شروع کر دی ہیں۔